افرح إذا شفت الفرح في محياك وتضيق بي الدنيا إذا شان بالك أعطيك عمري يا عسى من فداياك وش هي حياتي ما تساوي رضالك جعل الولي يا صاحبي دوم يرعاك وجعل الفرح في كل الأيام فالك

لا كتبت اسمك تزين لي الحروف ولا نطقته صار في لساني حلا صدق أنا أحبك ولكن فيني خوف خوف نتفارق بعد ذاك الغلا لا تقابلنا يسكنا الكسوف ضاعت الكلمات مني يا غلا كانت الكلمات في لساني ألوف ويوم شفتك ما ذكرت إلا هلا

يوم ما تنشد عن أحوالي أقضي الساعات مهموم غيرك مالنا غالي واهتمامي فيك ملزوم افرح بهاتفك ليا جاني جايب لي منك العلوم أو مسج يخطر لك في بالي ترسله لو كنت مزحوم محدن في ذا الزمن خالي كلن يقاس ومهموم

لولا اختلاف أذواق وأذواق وأذواق ما شفت أجمل من جرحني غيابه يا أعذب وأرق من الندى عند الاشراق وألطف من النسناس لا سرج ركابه تدري وش اللي محرق قلبي احراق انك بعيد وحزن الأيام غابه

ليتك يا ريف النشاما لنا جار يوم اجيك ويم مثله تجيني وليت المسافة بيني وبينك جدار والباب بنص البيت بينك وبيني حيثك عزيز ولك مع العز مقدار وايضا تساوي بالغلا مثل عيني

سر يا قلم واكتب عظيم اشتياقي للي لهم بمجلس الطيب مجلاس قدرك على راسي سوات الشماغي بالطيب مانلقا شبيهك مع الناس انت العطر دايم على الجو طاغي وغيرك حطب دخانهم يوجع الراس

اشتقت لأيامك وجيت أنشد الوقت وين الحبيب وضحكته وأمسياته ليته يوسع خاطري لا تضايقت مثل الكفيف ان قربوا له عصاته ماهو زعل لا شفت وجهه ودنقت العين تخفي في نظرها غلاته

كل الهموم وكل ما كنت اعانيه تروح لحظة ما اتذكر طيبك في غيبتك قلبي فقد من يسليه من كثر حبك حلف ما يخونك في غيبتك قلبي تحطم أمانيه كرهت أنا العالم وحبيت كونك في داخلي إحساس أجهل معانيه بس الأكيد كل المشاعر يبونك

ما كل عين تذرف الدمع بأحزان وما كل من يضحك يعيش بسعاده كم واحد دمعة على الخد هتان من زود همه يذرف الدمع عاده يحاول انه يبتسم قدر الامكان ويضحك ونار الحزن تحرق فؤاده

غالي بقلبي مثل ذاك القمر فوق واسقيك من عذب المشاعر وازيدك هذا قليل من الغلا جاك منطوق والا بقلبي يعلم الله رصيدك إن جيت وان ما جيت باقي لك الشوق والقلب مثل ماهو على حطة يدينك

محد يشق القلب من غير تفكير حتى الدكاترة ترتجف ثم تحتار الحب يشق الجوف من دون تخدير ويبني قصور بداخل القلب وانهار هذي حقيقة قلتها بصدق وتعبير وأرسلتها للي حافظن كل الأسرار

خذني جريح شعور يعشق وصالك ينزف جروح العشق وايامه شهود خذني غريق احلام عانق خيالك يرجي سحاب ايديك والشوق موقود خذني بقايا انسان كلي حلالك اسكن عروق القلب والشوق موجود